Real Madrid leiðir nú kapphlaupið um Bernardo Silva, leikmann Manchester City.
Daily Star segir frá þessu en Silva hefur áður verið orðaður við erkifjendur Real Madrid í Barcelona.
Silva er með klásúlu í samningi sínum hjá City sem gerir honum kleift að fara fyrir aðeins 50 milljónir punda og það þykir mörgum liðum heillandi.
Í fréttinni er hann einnig orðaður við Börsunga, PSG, Bayern Munchen og Arsenal.
Það er þó líklegast að Silva, sem kom til City frá Monaco 2017, endi hjá Real Madrid sem stendur. Hann klikkaði einmitt á víti á móti spænska liðinu sem sló City út úr Meistaradeildinni í vítaspyrnukeppni í síðustu viku.
