fbpx
Sunnudagur 26.maí 2024
433Sport

Hjörvar ræðir vaxandi vandamál sem hann telur fólk skauta framhjá – „Þetta er ekkert annað en þjófnaður“

Helgi Sigurðsson
Laugardaginn 13. apríl 2024 07:00

Hjörvar Hafliðason.

Ekki missa af Helstu tíðindum dagsins í pósthólfið þitt

Lesa nánar

Hjörvar Hafliðason, þáttastjórnandi Dr. Football, opnaði á ansi athyglisverða umræðu í nýjasta þættinum sínum um ólögleg streymi frá íþróttaviðburðum. Hann telur þetta stórt og vaxandi vandamál og veltir því upp hvort ekki hægt sé að bregðast við því.

Hjörvar starfaði lengi á Stöð 2 Sport og þá tók hann þátt í að reka streymisveituna Viaplay. Hann þekkir þessi mál því af eigin hendi.

„Ég tók þátt í því að reka Viaplay og þessar streymisveitur eru í erfiðleikum. Ég fór og heimsótti heiðarlegasta mann sem ég hef kynnst á ævinni um daginn. Hann var búinn að setja upp IPTV heima hjá sér með öllum sjónvarpsstöðvum í heiminum,“ sagði Hjörvar.

„Ég get ekki ímyndað mér annað en að Stöð 2 Sport, Síminn, allir séu að tapa ógeðslega miklum peningum á þessu. Ég skil ekki, ef það á ekki að fara að gera neitt í þessum málum, af hverju ætti maður þá að fara á fullu í eitthvað útboð? Ef ég væri með eitthvað fyrirtæki, af hverju ætti ég að setja fjóra milljarða í enska boltann ef allir ætla svo bara að stela honum í gegnum eitthvað sjóræningjadæmi?“

Hjörvar bendir á að fólk hafi ekki nokkrar áhyggjur af því að sýna frá því opinberlega að það horfi á íþróttir með ólöglegum leiðum.

„Fólk birtir myndir á samfélagsmiðla þar sem maður sér erlenda stöð í horninu. Á ekkert að gera í þessum málum eða er bara frábært að geta nálgast þetta ameríska efni? Eins og staðan er núna í enska boltanum ertu þá bara að keppa við Sky, NBC, BeIn og hvað þetta heitir allt saman.“

Hrafnkell Freyr Ágústsson, sérfræðingur í þættinum, velti því upp hvort stórar sektir séu lausnin.

„Hvað á að gera í þessu? Finna einhvern einn og gefa honum risasekt? Þá kannski verða hinir smeykir.“

Hjörvar tók til máls á ný.

„Þetta er ekkert annað en þjófnaður. Ímyndið ykkur ef allir myndu fá sér Stöð 2 Sport og Símann í gegnum svoleiðis. Af hverju ætti þá einhver að halda áfram að bjóða í þessa rétti? Fótbolti í dag er drifinn áfram á sjónvarpsréttum. Besta deildin er búin að vera ef enginn býður í sjónvarpsréttinn, ef hann verður bara verðlaus því það eru hvort sem er allir að stela þessu.

Ég held við séum komnir á smá krossgötur núna. Þeir voru að ræða í Ameríku að þjófnaður sé að kosta deildirnar í kringum 40-50 milljarða dollara. Það verður mjög áhugavert að sjá hvort það sé einhver áhugi fyrir að gera eitthvað í þessum málum. Þeir sem standa í þessu hafa alla mína samúð. Ég held að þetta sé rosalegt vandamál sem allir eru að skauta framhjá,“ sagði hann um málið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 9 klukkutímum

Sjáðu skelfileg mistök í vörn Manchester City – United leiðir í úrslitaleiknum

Sjáðu skelfileg mistök í vörn Manchester City – United leiðir í úrslitaleiknum
433Sport
Fyrir 9 klukkutímum

Staðfesta komu Rooney

Staðfesta komu Rooney
433Sport
Fyrir 12 klukkutímum

Reka hann og þurfa að borga 15 milljónir

Reka hann og þurfa að borga 15 milljónir
433Sport
Fyrir 13 klukkutímum

Hetja vikunnar fáanleg fyrir um 30 milljónir

Hetja vikunnar fáanleg fyrir um 30 milljónir
433Sport
Í gær

Albert virkur á Instagram eftir leik í kvöld – Sjáðu myndir og myndbönd sem hann birti

Albert virkur á Instagram eftir leik í kvöld – Sjáðu myndir og myndbönd sem hann birti
433Sport
Í gær

Hansi Flick vill sækja stórt nafn til Barcelona

Hansi Flick vill sækja stórt nafn til Barcelona
433Sport
Í gær

Ákvörðunin gefi það til kynna að Albert verði sakfelldur

Ákvörðunin gefi það til kynna að Albert verði sakfelldur
433Sport
Í gær

Ætla að reyna að rifta samningi við Coutinho

Ætla að reyna að rifta samningi við Coutinho