Cody Gakpo er mjög ánægður með að hafa endað hjá Liverpool á Englandi frekar en Manchester United.
United sýndi Gakpo áhuga nokkrum mánuðum áður en hann gekk í raðir Liverpool en hann var áður leikmaður PSV Eindhoven í Hollandi.
Erik ten Hag er hollenskur líkt og Gakpo og hafði áhuga á að fá landsliðsmanninn yfir á Old Trafford.
Ekkert varð úr þeim félagaskiptum að lokum og er Gakpo mjög feginn að hafa skrifað undir á Anfield að lokum.
,,Ég held að það hafi verið sumarið áður, þá var ég í viðræðum við Manchester United og ræddi við þjálfara þeirra sem er hollenskur,“ sagði Gakpo.
,,Að lokum þá varð ekkert úr þessum skiptum og það er allt saman. Um veturinn þá byrjaði Liverpool að sýna áhuga, þetta var besta ákvörðun sem ég hef tekið.“