Christian Pulisic hefur þakkað fyrir stuðninginn sem hann fékk eftir leik liðsins við Lazio á föstudag.

Pulisic er ekki vinsæll á meðal stuðningsmanna Lazio og fékk morðhótanir eftir 1-0 sigur sinna manna.

Bandaríkjamaðurinn var öflugur í leiknum og átti sinn þátt í að fá tvo leikmenn Lazio rekna af velli í sigrinum.

Pulisic fékk í kjölfarið ógeðsleg og óhugnanleg skilaboð frá stuðningsmönnum Lazio á samskiptamiðlum.

,,Ég finn ekkert nema ást frá þessu félagi og allri Rossoneri fjölskyldunni,“ skrifaði Pulisic á Instagram og átti þar við stuðningsmenn liðsins.

Sóknarmaðurinn hefur verið öflugur í vetur og hefur skorað sjö mörk og lagt upp sex í 25 leikjum.