Phil Foden er einn allra besti leikmaður ensku úrvalsdeildarinnar að sögn Pep Guardiola, stjóra Manchester City.

Þetta sagði Guardiola í dag eftir leik sinna manna við Manchester United sem vannst 3-1 á heimavelli.

Foden átti frábæran leik fyrir heimamenn og skoraði tvennu og var fyrra mark hans stórkostlegt.

,,Ef við tölum um í dag og á þessu tímabili þá er hann einn sá besti í deildinni,“ sagði Guardiola.

,,Ég var alltaf með það á tilfinningunni að hann myndi skora mörk, ég hef alltaf fundið fyrir því sama. Nú er hann að vinna leiki fyrir okkur.“

,,Ef þú ætlar að vera talinn heimsklassa leikmaður þá þarftu að vinna leiki fyrir þitt lið.“