Það er útlit fyrir að vinirnir Harry Kane og Eric Dier endist ekki lengi saman sem liðsfélagar í Bayern Munchen.
Um er að ræða góðvini en þeir léku lengi saman með Tottenham og þekkjast mjög vel.
Kane samdi við Bayern síðasta sumar en Dier var lánaður til félagsins í janúar og hefur aðeins spilað fimm leiki.
Bayern hefur ekki hrifist af frammistöðu Dier en frá þessu greinir Bild í Þýskalandi sem sérhæfir sig í Bundesligunni.
Bayern telur að Dier sé ekki nógu góður og ekki nógu hraður til að spila fyrir liðið og mun senda hann aftur til London í sumar.
