Rio Ferdinand ræddi við varnarmanninn Pepe í vikunni eftir leik Porto við Arsenal í Evrópudeildinni.
Porto vann 1-0 heimasigur í fyrri leik liðanna en Pepe leikur með því fyrrnefnda fertugur að aldri.
Pepe og Ferdinand mættust nokkrum sinnum á ferlinum en Pepe gerði garðinn frægan með Real Madrid.
Ferdinand skilur ekki hvernig Pepe fer að því að spila í vörn Porto á þessum aldri en hann fagnar 41 árs afmæli sínu eftir helgi.
,,Hann verður 41 árs gamall á mánudaginn, það er fáránlegt hvernig hann höndlar þetta líkamlega,“ sagði Ferdinand.
,,Ég spurði hann einfaldlega hvernig hann færi að þessu. Hann svaraði: ‘Ég er enn sterkur og enn fullur sjálfstrausts.’
,,Hugarfarið hans hefur mikið að segja um hans ástand og árangur.“
