Enginn varnarmaður í sögu ensku úrvalsdeildarinnar hefur lagt upp fleiri mörk en hinn öflugi Trent Alexander Arnold.
Trent hefur nú lagt upp 58 mörk aðeins 25 ára gamall eftir leik gegn Burnley sem fór fram í gær.
Bakvörðurinn lagði upp í fyrri hálfleik áður en hann var tekinn af velli snemma í seinni hálfleik.
Magnaður árangur hjá Trent en margir vilja meina að hann sé best notaður á miðjunni enda gríðarlega fær þegar kemur að því að spyrna boltanum.
Ljóst er að hann á eftir að bæta við mörgum stoðsendingum ef hann heldur ferli sínum áfram í Liverpool.