Harry Kane, leikmaður Bayern Munchen, var sár eftir leik liðsins í gær gegn Bayer Leverkusen.
Leverkusen vann Bayern 3-0 á heimavelli og er taplaust á toppnum með fimm stiga forystu.
Kane gekk í raðir Bayern í sumar til að vinna titla en liðið er ekki í frábærri stöðu þegar meira en helmingur er búinn af deildinni.
,,Við spiluðum ekki vel með boltann, pressan og þá sérstaklega í fyrri hálfleik var góð en við gáfum þeim alltaf boltann um leið,“ sagði Kane.
,,Þetta er tap sem særir mikið, við vildum augljóslega önnur úrslit en við verðum nú að einbeita okkur að Meistaradeildinni.“
,,Það eru margir leikir eftir og við munum reyna að komast upp að þeim eins fljótt og hægt er.“