Viktor Gyokores hefur tjáð sig um sína eigin framtíð en hann er orðaður við helstu stórlið í Evrópu.
Um er að ræða sænskan landsliðsmann sem leikur með Sporting Lisbon og raðar inn mörkum í Portúgal.
Gyokores er mikið orðaður við England og þar helst Manchester United vegna Ruben Amorim.
Amorim var þjálfari Gyokores hjá Sporting áður en hann tók við United þann 11. nóvember.
,,Ég vil klára tímabilið hjá Sporting. Ég elska lífið hérna,“ sagði Gyokores um eigin framtíð.
,,Nýtt félag? Við skulum sjá þegar verður að því. Ég vil fá að spila, það er mikilvægt en annað mun líka spila inn í.“
