Alvaro Morata hefur opnað sig um erfiða tíma í sumar en hann var að glíma við þunglyndi áður en flautað var til leiks á EM í Þýskalandi.

Morata var hluti af spænska landsliðshópnum sem fór alla leið á EM og vann keppnina 2024.

Morata var þó ekki í sínu besta hugarástandi fyrir keppnina og glímdi við mikið af vandræðum utan vallar.

,,Ég hélt að ég gæti ekki klætt mig í skóna og mætt aftur á völlinn. Ég fékk mikla hjálp frá mönnum eins og Diego Simeone, Koke og Miguel Angel Gil,“ sagði Morata.

,,Það sem þið sjáið í sjónvarpinu eða á samskiptamiðlum er yfirleitt ekki sannleikurinn því þú ert að sinna þínu starfi. Það var oft erfitt fyrir mig að reima skóna og þegar ég kom heim vildi ég ekki tjá mig.“

,,Ég vissi ekki hvað væri að gerast en staðan var ansi flókin og viðkvæm. Á þeim tímapunkti áttarðu þig á því að það sem þú elskar mest í lífinu hatarðu líka mest.“