„Ég er spennt fyrir því að spila aftur á móti Þýskalandi. Það verður mjög gaman,“ sagði landsliðskonan Ingibjörg Sigurðardóttir við 433.is á Laugardalsvelli í dag. Framundan er leikur gegn Þýskalandi í undankeppni EM.
„Ég met möguleika okkar bara fína. Þær eru með ótrúlega gott lið og við þurfum að hitta á okkar besta dag. En það eru fínir möguleikar,“ sagði Ingibjörg um ógnarsterkt lið Þjóðverja.
Leikurinn gegn Þýskalandi er hér heima á föstudag og fjórum dögum síðar mæta Stelpurnar okkar Póllandi ytra. Sigur í öðrum hvorum leiknum gulltryggir sæti á EM en liðið vill þó klára dæmið hér á heimavelli.
„Algjörlega, það er það sem við stefnum að. “
Nánar er rætt við Ingibjörgu í spilaranum hér ofar.
