Pólland 1 – 2 Holland
1-0 Adam Buksa(’16)
1-1 Cody Gakpo(’29)
1-2 Wout Weghorst(’83)
Fyrsti leikur dagsins á EM í Þýskalandi var ansi skemmtilegur en þar mættust Pólland og Holland.
Pólland kom mörgum á óvart og komst yfir í viðureigninni en Adam Buksa skoraði á 16. mínútu.
Ekki löngu seinna jafnaði Cody Gakpo þó fyrir Holland en hann átti skot sem fór af varnarmanni og í netið.
Enginn annar en Wout Weghorst kom svo Hollandi til bjargar og tryggði þrjú stig er stutt var eftir.
Weghorst hafði komið inná sem varamaður og var hans mark nóg til að tryggja dýrmætan sigur.
