Slóvenía 1 – 1 Danmörk
0-1 Christian Eriksen(’17)
1-1 Erik Janza(’77)
Danmörk fær enga óskabyrjun á EM í Þýskalandi en liðið spilaði við Slóveníu í fyrsta leik sínum í dag.
Danir komust yfir í viðureigninni en Christian Eriksen skoraði laglegt mark er 17 mínútur voru komnar á klukkuna.
Flestir bjuggust við að Danir myndu klára Slóvenana í leiknum en það varð ekki raunin að lokum.
Erik Janza skoraði jöfnunarmark á 77. mínútu en hann átti skot fyrir utan teig sem fór í varnarmann og í netið.
Fleiri mörk voru ekki skoruð og lokatölur 1-1.
