Lögreglan í Chesire á Englandi hefur fjórum sinnum á síðustu þremur dögum heimsótt heimili Joey Barton vegna þess hvað hann lætur frá sér á X-inu.
Barton hefur undanfarna mánuði verið með mjög umdeildar skoðanir á X-inu og látið mann og annan heyra það.
„Lögreglan hefur heimsótt mig fjórum sinnum á þremur dögum,“ segir Barton á X-inu.
Hann segir að lögreglan vilji ræða við hann um færslur hans á X-inu. „Velkomin til Norður-Kóreu,“ skrifar Barton.
Lögreglan hefur heimsótt heimili hans fjórum sinnum á þremur dögum
„Það komu nokkrar lögreglukonur hér í gærkvöldi klukkan 21:30 þegar börnin mín voru sofandi,“ segir Barton sem hefur látið konur sem lýsa knattspyrnuleikjum og ræða þá heyra það nokkuð hressilega og gert lítið úr þeim.
Eni Aluko fyrrum knattspyrnukona hefur höfðað mál gegn Barton en hann hefur ekki farið fögrum orðum um hana á X-inu.
Barton átti glæsilegan knattspyrnuferil sem leikmaður en mikið og stórt skap kom honum oft í vandræði líkt og nú er að gerast á X-inu góða.
