Þorkell Máni Pétursson var gestur í hlaðvarpsþættinum Þungavigtin á fimmtudag en hann ræddi þar við Ríkharð Óskar Guðnason og Kristján Óla Sigurðsson.

Í þættinum var rætt um Valsliðið sem hefur sína keppni á sunnudag er liðið mætir ÍA í fyrstu umferð.

Kristján var ekki hrifinn af frammistöðu Vals í leik á dögunum við Víking sem tapaðist í vítakeppni þar sem Valsmenn voru manni fleiri í rúman hálftíma.

Það er spurning hvort Valur tefli fram öðru byrjunarliði í fyrsta deildarleiknum en Kristján er ekki sannfærður eftir leikinn við Víkinga.

,,Hver eru skilaboðin til Kidda og annarra leikmanna eftir þessa frammistöðu, þessa ömurlegu frammistöðu í Víkinni? Þeir voru einum fleiri einn þriðja af leiknum og sköpuðu sér ekki eitt hálffæri,“ sagði Kristján.

,,Þetta er Valur sko, knattspyrnufélagið Valur sem státar sig af því að vera að keppa um titla í öllum boltaíþróttum.“

,,Ég held að Valsararnir, við munum sjá tilbúna Valsara í þessum leik, það má ekkert vanmeta það að þetta er fyrsti leikur og menn eru túnaðir í þetta.“

Máni róaði umræðuna töluvert og segir að Valur sé með reynslumikla leikmenn sem vita nákvæmlega hverju þeir þurfa að skila á vellinum.

,,Hjartað í Gylfa Sig er ekkert að slá eitthvað og ‘Þetta er bara fyrsti leikur sem ég er að spila í efstu deild í fótbolta’ hann er ekki að farast úr neinu stressi, Kiddi hefur gert þetta hundrað sinnum, Aron Jó hefur gert þetta hundrað sinnum og Birkir Már hefur gert þetta fjögur þúsund sinnum. Ég held að það muni hjálpa þeim töluvert.“