Guðný Árnadóttir er gengin í raðir Kristianstad frá ítalska stórliðinu AC Milan.
Hin 23 ára gamla Guðný, á að baki 26 A-landsleiki fyrir Íslands hönd, hafði verið á mála hjá Milan síðan 2020 en er nú mætt í sænsku úrvalsdeildina.
„Ég kem hingað til að þróa mig sem leikmann og verða betri. Mér líkar hvernig þetta lið spilar og ég er spennt fyrir því að vera partur af því. Ég hlakka til að kynnast liðfélögunum og vinna með þeim,“ sagði Guðný eftir undirskrift.
Kristianstad er mikið Íslendingafélag en Elísabet Gunnarsdóttir þjálfaði liðið lengi.
