Það er nokkuð ljóst að stuðningsmenn Chelsea eru að fá sig fullsadda af þjálfara liðsins, Mauricio Pochettino.
Chelsea gerði 2-2 jafntefli við Brentford í gær þar sem Axel Disasi skoraði jöfnunarmark þeirra bláklæddu undir lokin.
Stuðningsmenn Chelsea sungu söngva í garð Pochettino í viðureigninni og sögðu honum pent að drulla sér burt.
Þá var einnig sungið í átt að eiganda liðsins, Todd Boehly, sem er ekki vinsæll eftir mörg misheppnuð kaup undanfarna mánuði.
Frammistaða Chelsea í vetur hefur heillað fáa en liðið á enn möguleika á að vinna FA bikarinn.
