Liverpool leitar nú að nýjum þjálfara en Jurgen Klopp hefur gefið það út að hann sé á förum eftir tímabilið.
Xabi Alonso, stjóri Leverkusen, er helst orðaður við starfið en liðið er með öruggt forskot á toppi deildarinnar í Þýskalandi þessa stundina.
Dimitar Berbatov, fyrrum leikmaður Manchester United, er afar hrifinn af Alonso en er með hugmynd fyrir Liverpool ef Spánverjinn reynist ekki fáanlegur í sumar.
,,Að mínu mati er Xabi Alonso alltaf númer eitt í röðinni og þá sérstaklega ef hann vinnur Bundesliguna,“ sagði Berbatov.
,,Alonso mun líklega taka næsta skref og fara til Liverpool, hann mun reyna að sanna það að árangurinn hafi ekki verið nein heppni.“
,,Ef þeir geta ekki fengið hann þá eru aðrir stjórar á markaðnum eins og Thomas Tuchel. Hann væri næstur á mínum lista ef Alonso er ekki fáanlegur.“
