Eden Hazard hefur lagt skóna á hilluna en hann endaði feril sinn sem leikmaður Real Madrid og upplifði erfiða tíma þar.

Hazard er þekktastur fyrir tíma sinn hjá Chelsea en spilaði með Real frá 2019 til 2024 áður en skórnir fóru á hilluna.

Belginn viðurkennir að hann hafi lent í erfiðleikum á Spáni en var sjálfur ekki hrifinn af leikstíl Real er hann spilaði með félaginu.

Hazard er á því máli að Real hafi ekki spilað bolta sem hentaði hans leik en þurfti að taka skrefið til Spánar þar sem draumurinn var alltaf að spila fyrir spænska stórliðið.

,,Ég var ekki einu sinni hrifinn af leikstílnum ef þú miðar það við önnur félög,“ sagði Hazard um Real.

,,Þetta var samt minn draumur og ég gat ekki klárað ferilinn án þess að fara þangað. Það sýnir að Madrid en stærra en allt annað, það er þó erfitt að spila þarna og ég þurfti mögulega að æfa meira.“

,,Ég meiddist á verstu tímum og þurfti að fara í aðgerðir, ég kom til baka og fann ennþá til.“