Manchester United vann ótrúlegan sigur í ensku úrvalsdeildinni á fimmtudag er liðið mætti Wolves.
Allt stefndi í jafntefli í þessum leik en Pedro Neto jafnaði metin í 3-3 á 95. mínútu leiksins fyrir Wolves.
Kobbie Mainoo skoraði hins vegar mark tveimur mínútum seinna fyrir United til að tryggja sínum mönnum 4-3 sigur.
Um er að ræða 18 ára gamlan strák sem er uppalinn hjá United og var að skora sitt fyrsta deildarmark.
,,Þetta var draumur að rætast. Molineaux er erfiður heimavöllur að mæta á en við þurftum sigurinn,“ sagði Mainoo.
,,Ég er ennþá að jafna mig og líður eins og mig sé að dreyma. Að spila fyrir uppeldisfélagið mitt í ensku úrvalsdeildinni hefur verið stórkostlegt. Nú vinnum við fleiri leiki.“
