Anthony Martial er heitt umræðuefni í Manchester þessa dagana og hefur í raun verið á milli tannanna á fólki í nokkur ár.
Martial fær ekkert að spila hjá United í dag en hann er á frábærum samningi en verður þó samningslaus í sumar.
Martial gekk í raðir United frá Monaco 2015 en hefur aldrei staðist þær væntingar sem voru gerðar til hans eftir komuna.
Simon Jordan, fyrrum eigandi Crystal Palace, er alls enginn aðdáandi franska sóknarmannsins og gagnrýndi hann í útvarpsþætti TalkSport.
,,Ég horfi á hann sem algjöra tímasóun fyrir Manchester United,“ sagði Jordan við TalkSport.
Stjórnandi þáttarins á TalkSport, Alex Crooks, telur einnig að Martial sé mögulega búinn að spila sinn síðasta leik fyrir félagið.
,,Við greindum frá því fyrir nokkrum vikum að hann hefði engan áhuga á að kveðja þau laun sem hann er á, hann veit að hann mun aldrei fá eins vel borgað annars staðar.“
,,Þeir hafa verið orðaðir við Karim Benzema en ég get fullyrt það að sú skipti ganga ekki í gegn.“
