Fyrrum knattspyrnumaðurinn Joey Barton hefur svarað sparkspekingnum Eni Aluko eftir að hún tilkynnti á samfélagsmiðlum í gær að hún hafi yfirgefið England tímabundið vegna hans.
Barton hefur farið mikinn á samfélagsmiðlum undanfarið og hjólað í konur sem fjalla um karlafótbolta. Flestir eru sammála um að hann hafi gengið allt of langt í þessari „herferð“ sinni en hann sagði á dögunum að Aluko og kollegi hennar Lucy Ward væru „Fred og Rose West fótboltaumfjöllunnar.“ Fred og Rose West voru breskir raðmorðingjar.
Í kjölfar ummæla Barton hafa netverjar herjað á Aluko og aðrar konur í geiranum á samfélagsmiðlum. Segist hún nú óttast um öryggi sitt og er farin erlendis í bili.
„Ég ætla að vera hreinskilin og ég skal glöð viðurkenna að ég hef verið hrædd þessa vikuna,“ sagði Aluko á Instagram í gær og hélt áfram.
„Ég fór ekki úr húsi á föstudag og nú er ég komin erlendis. Netníð hefur bein áhrif á öryggi þitt og hvernig þér líður í hinu raunverulega lífi. Ég vil að fólk átti sig á hvað haturðsorðræða er, hvernig áhrif kynþáttaníð og kynjamismunum hefur.“
Barton hefur nú svarað fullum hálsi.
„Ég beið eftir að þú spilaðir fórnarlambs-kortinu,“ skrifar hann á X (áður Twitter).
„Fyrirgefðu elskan en þú ert glötuð í fótboltaumfjöllun. Þú veist ekkert um karlafótbolta. Það eru allir að hlæja að þér, ekki bara ég.“
Aluko og Ward munu höfða mál gegn Barton samkvæmt enskum miðlum.
Fjöldi fólks úr knattspyrnuheiminum hefur foræmt niðrandi ummæli Barton um konur sem starfa við knattspyrnuumfjöllun undanfarið.
Cry me a fucking river…
I was waiting for the victim card to be played.
Eni, sorry luv, you’re dreadful as a pundit.
Tone deaf, can’t count and most importantly you know next to nothing about men’s football.
You should have ran off to a desert island after your ‘Arteta… pic.twitter.com/uc4tbzrLdv
— 👑 Joey Barton 👑 (@Joey7Barton) January 17, 2024
