Sadio Mane vekur athygli þessa dagana eftir að hann giftist 19 ára stúlku frá Senegal. Miðlar þar í landi segja að Mane hafi valið sér hana fyrir þremur árum.
Mane giftist hinni 19 ára gömlu Aisha Tamba um helgina í heimalandi sínu en Mane er 31 árs gamall.
Einnig er sagt frá því í fréttum ytra að Mane hafi greitt skólagjöld hennar á námsárunum.
Mane er í dag leikmaður Al-Nassr í Sádi-Arabíu. Hann var þar áður hjá Bayern Munchen en er auðvitað þekktastur fyrir ár sín hjá Liverpool.
Tengdapabbi Mane er afar sáttur með sambandið. „Ég og eiginkona mín fórum og hittum fjölskyldu Mane einn daginn, þar hitti Mane hana Aisha í fyrsta sinn,“ segir Tamba.
„Hann sá eitthvað sérstsakt í henni og foreldra hans líka. Þau komu og hittu mig, við ræddum forsendur sambandsins eins og hefð er fyrir. Við komumst að samkomulagi um allt og biðum eftir þessum degi.“
„Þau voru aldrei að hittast fyrir þetta, Aisha var svo ung.“
