Jurgen Klopp, stjóri Liverpool, virðist staðfesta það að félagið eigi enn eftir að fá inn leikmenn í sumarglugganum.

Liverpool hefur samið við tvo miðjumenn í sumar eða þá Alexis Mac Allister og Dominik Szoboszlai.

Fleiri leikmenn eru á leiðinni miðað við nýjustu orð Klopp en fleiri leikmenn gætu einnig verið á förum.

Roberto Firmino er farinn annað og er útlit fyrir það að Jordan Henderson og Thiago Alcantara séu einnig að kveðja.

,,Það eru ennþá þrjár eða fjórar vikur í að tímabilið hefjist, það eiga hlutir eftir að gerast þangað til þá, klárlega,“ sagði Klopp.

,,Þar að segja þegar kemur að félagaskiptamarkaðnum, það er alveg ljóst. Hlutir munu eiga sér stað og liðið okkar verður sterkt.“