Það fór fram gríðarlega skemmtilegur leikur í Bestu deild karla í kvöld er Víkingur Reykjavík tók á móti Val.

Víkingar töpuðu í kvöld sínum fyrsta leik í deildinni og fengu á sig þrjú mörk en höfðu aðeins fengið á sig tvö fyrir viðureignina.

Valur skellti sér í annað sætið með 3-2 sigri á Víkingvelli þar sem Tryggvi Hrafn Haraldsson skoraði tvennu.

Aron Jóhannsson var einnig á meðal markaskorara Vals sem hafa nú skorað heil 26 mörk í aðeins tíu leikjum.

Valur er fimm stigum á eftir Víkingum í toppbaráttunni og hefur skorað flest mörk af öllum liðum deildarinnar.

Á sama tíma áttust við Keflavík og Breiðablik en þeim leik lauk óvænt með markalausu jafntefli.

Víkingur R. 2 – 3 Valur
0-1 Tryggvi Hrafn Haraldsson(’59)
0-2 Tryggvi Hrafn Haraldsson(’62)
1-2 Nikolaj Hansen(’68)
1-3 Aron Jóhannsson(’73)
2-3 Frederik Schram(’92, sjálfsmark)

Keflavík 0 – 0 Breiðablik