fbpx
Mánudagur 04.mars 2024
433Sport

Axel Óskar lýsir ruglaðri upplifun í Lettlandi: Fastur á spítala þar sem enginn skildi ensku – „Ég hélt ég væri að deyja“

Helgi Sigurðsson
Þriðjudaginn 5. desember 2023 08:00

Ekki missa af Helstu tíðindum dagsins í pósthólfið þitt

Lesa nánar

Knattspyrnumaðurinn Axel Óskar Andrésson lýsir í hlaðvarpsþættinum Hæ Hæ tíma sínum hjá lettneska félaginu Riga, en þar gekk margt á.

Axel er í dag á mála hjá Örebro, þar sem hann er samningsbundinn út árið. Hann gekk í raðir Riga snemma árs 2021 og var í rúmt ár hjá félaginu. Forseti félagsins var moldríkur Rússi sem bjó í Dúbaí og á Kýpur.

„Þannig ég skrifa undir hjá þeim í Dúbaí, þar sem þeir eru í æfingaferð. Það er tekin af mér mynd og snekkja á bak við,“ segir Axel léttur.

„Þeir eru brjálaðir. Ég var ekki búinn að sofa í einhverja 26 tíma út af ferðalagi. Þeir sendu mig beint í hlaupapróf, hlaupa eins mikið og þú getur á hlaupabretti. Ég var búinn á því og grét liggur við í bílnum á leiðinni að skrifa undir. Þetta var rosalegt.“

Fokdýrt partí

Forsetinn var ekki hræddur við að rífa upp veskið fyrir hinu og þessu eins og Axel kemur inn á.

„Þegar ég var búinn að vera þarna í viku átti forsetinn afmæli. Þá leigði hann heila hæð í Burj Khalifa. Hann tók allar stærstu stjörnur Rússlands, söngvarar og þess háttar. Svo sögðu þeir mér hvað þetta kvöld kostaði, það kostaði 85 milljónir íslenskra króna.

Ef við unnum leik þarna þá var það bara: „Forsetinn gefur ykkur góðan bónus.“ Þetta var klikkað,“ segir hann.

Axel glímdi töluvert við meiðsli á þessum tíma en forráðamenn Riga voru ekki alveg til í að sýna því skilning.

„Ég var byrjunarliðsmaður og það gekk mjög vel þegar ég spilaði. Þá fæ ég eitthvað aftan í hnéð sem átti að vera þriggja vikna meiðsli. En þá langaði svo hrikalega að ég myndi spila áfram þó ég væri meiddur. Ég sagði bara að þetta væri ekki hægt, ég væri meiddur. Ég fæ sprautur í hnéð og eitthvað kjaftæði,“ rifjar Axel upp en hann fékk engin svör um hvað væri í sprautunum. „Á endanum fann ég samt út að þetta væru ekkert sterar eða svoleiðis. En það er ekkert lyfjaprófað úti í Lettlandi.

Þeir vildu að ég spilaði næsta leik og ég gerði það. Svo varð þetta bara verra og verra. Þannig þriggja vikna meiðsli urðu fimm mánuðir. Þeir voru með tíu sjúkraþjálfara en þeir fengu ekki að ráða förinni. Það voru þrír directors (yfirmenn knattspyrnumála) sem réðu öllu. Þetta voru engir directors, þetta voru dictators (einræðisherrar). Þú þurftir alltaf að tala við þá. Þeir réðu þjálfarann, þeir völdu í liðið.“

Kröfðust þess að hann færi undir hnífinn

Meiðslin héldu áfram að hrjá Axel og var hann ekki til í að halda einfaldlega áfram að spila ofan í þau.

„Ég sagði bara hingað og ekki lengra, ég væri ekki að lagast og ætlaði heim til Íslands að hitta sjúkraþjálfara landsliðsins hér. Hann sagði mér að ég þyrfti bara að taka mánuð í burtu, engin aðgerð og þá væri ég góður. Bara byrja á núlli. Ég læt hann meira að segja tala við þá úti og þeir sögðu að það væri allt í góðu.“

Svo var hins vegar ekki.

„Við kærasta mín fljúgum aftur til Riga en þegar ég lendi þá opna ég símann: „Þú átt flug til Slóveníu í fyrramálið. Aðgerð.“ Ég sagði bara að ég væri ekki að fara í aðgerð, ég þyrfti ekki aðgerð. En það er ekkert hægt að rífast við þessa kalla.“

Það tókst þó að sannfæra Axel. Aðgerðin gekk upp en kom honum ekki fyrr út á völlinn.

„Ég fór í aðgerð og það gekk mjög vel en ég var lengur í burtu. Ég bjó í Maribor í Slóveníu í tvo mánuði. Þeir gáfu mér hjól og íbúð.“

Axel rifjar líka upp þegar hann fékk svæsna matareitrun en Riga vildi lítið fyrir hann gera er hann gekk í gegnum það.

„Ég var á spítala í fjóra daga. Enginn talaði ensku. Ég hélt ég væri að deyja. Um eina nóttina labbaði ég fram á gang og kallaði hjálp, þetta var eins og í bíómynd. Ég fékk þúsund evru reikning en þeir borga ekki neitt, þó félög eigi að borga svona. Maður er á þeirra vegum. Svo er æfingaleikur tveimur dögum seinna og þeir sögðu mér að ég myndi spila hann,“ segir Axel.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 13 klukkutímum

Segir að Osimhen vilji koma til félagsins – ,,Vill feta í mín fótspor“

Segir að Osimhen vilji koma til félagsins – ,,Vill feta í mín fótspor“
433Sport
Fyrir 14 klukkutímum

Ítalía: Allt stefnir í að Inter verði meistari – Juventus tapaði gegn Napoli

Ítalía: Allt stefnir í að Inter verði meistari – Juventus tapaði gegn Napoli
433Sport
Fyrir 19 klukkutímum

Breiðablik staðfestir komu Stokke

Breiðablik staðfestir komu Stokke
433Sport
Fyrir 20 klukkutímum

Sjáðu stórkostlegt mark Rashford gegn City

Sjáðu stórkostlegt mark Rashford gegn City
433Sport
Fyrir 22 klukkutímum

Gefur í skyn að hann muni spila með Messi á ný – ,,Ef hann er ánægður þá er ég ánægður“

Gefur í skyn að hann muni spila með Messi á ný – ,,Ef hann er ánægður þá er ég ánægður“
433Sport
Fyrir 23 klukkutímum

Tjáir sig eftir gríðarlega umdeildan brottrekstur andstæðings – ,,Kannski var þetta ekki einu sinni spjald“

Tjáir sig eftir gríðarlega umdeildan brottrekstur andstæðings – ,,Kannski var þetta ekki einu sinni spjald“