Áramótaþáttur Íþróttavikunnar var af dýrari gerðinni þetta árið. Kristján Óli Sigurðsson og Hörður Snævar Jónsson mættu sem gestir í þáttinn sem Helgi Fannar Sigurðsson og Hrafnkell Freyr Ágústsson hafa stýrt í vetur.

Í þættinum voru veitt hin ýmsu verðlaun og þá var farið yfir allt það helsta úr íþróttalífinu hér á landi sem og erlendis á árinu 2023.

Arnar Gunnlaugsson, þjálfari Íslands- og bikarmeistara Víkings, var valinn þjálfari ársins.

„Það er erfitt að mótmæla þessu en ég verð að nefna Davíð Smára fyrir að koma Vestra í efstu deild eftir 40 ár af sársauka. Hann fær hellings kredit frá mér því ég ætla að fullyrða það að það hefði enginn annar komið þessu liði upp,“ sagði Kristján.

Hrafnkell tók undir með honum og benti á úrslitaleik umspilsins í Lengjudeildinni þar sem Ísfirðingar unnu Aftureldingu.

„Leikmenn Aftureldingar urðu það hræddir að þeir þorðu ekki að spila sinn fótbolta.“

Umræðan í heild er í spilaranum.