Erik ten Hag, stjóri Manchester United, er með stuðning frá nýjum eigendum félagsins að eigin sögn.

Sir Jim Ratcliffe eignaðist 25 prósent hlut í Man Utd á dögunum og mun sjá um fótboltahlið félagsins.

Ten Hag er umdeildur á meðal stuðningsmanna enska stórliðsins en gengið á þessu tímabili hefur ekki verið gott.

Hollendingurinn er þó sannfærður um að hann sé öruggur í sínu starfi og að hann geti myndað gott samband við nýja eigendur.

,,Ég hef ekki talað við þá ennþá en það mun koma að því og ég hlakka til,“ sagði Ten Hag.

,,Þeir vilja vinna með mér og ég vil vinna með þeim. Við munum ræða saman og funda og svo sjáum við til.“