Stuðningsmenn Manchester United voru ekki beint hrifnir af myndbandi sem birtist af æfingu liðsins í gær.
United mætir Bayern Munchen í Meistaradeild Evrópu annað kvöld og þarf að sigra og treysta á jafntefli í leik FC Kaupmannahafnar og Galatasaray til að fara áfram í 16-liða úrslit.
Lærisveinar Erik ten Hag töpuðu 0-3 gegn Bournemouth um helgina og eru stuðningsmenn pirraðir.
Einhverjir hafa verulegar áhyggjur af leiknum í kvöld eftir að hafa séð klippuna af æfingu í gær.
Þar þurfti að stöðva æfinguna eftir missheppnaða sendingu Victor Lindelöf á Luke Shaw og svo aftur þegar Alejandro Garnacho klikkaði á sendingu skömmu seinna.
Rétt eftir það var komið að Diogo Dalot að klúðra málunum.
Myndband af þessu má sjá hér að neðan.
Manchester United training before the Bayern Munich game. pic.twitter.com/nWcSkqoz16
— Andy Mitten (@AndyMitten) December 11, 2023