Thomas Tuchel, stjóri Bayern Munchen, er búinn að hringja í varnarmanninn Ronald Araujo og vill fá hann til þýska félagsins.
Frá þessu greinir blaðamaðurinn virti Florian Plettenberg en Araujo gæti verið á förum frá Barcelona á næsta ári.
Tuchel er sagður vera gríðarlegur aðdáandi leikmannsins og telur hann smellpassa inn í byrjunarlið Bayern.
Samkvæmt Plettenberg þá hringdi Tuchel í Araujo á föstudag og reyndi að sannfæra miðvörðinn í að færa sig um set.
Það vantar ekki upp á miðverðina hjá Bayern en Kim Min-jae, Matthijs de Ligt og Dayot Upamecano eru allir í röðum félagsins.
Araujo er 24 ára gamall og er landsliðsmaður Úrúgvæ en hann hefur leikið 13 leiki í öllum keppnum á þessu tímabili.
