Það er í raun alveg ljóst að miðjumaðurinn Kalvin Phillips á enga framtíð fyrir sér hjá Manchester City.
Pep Guardiola, stjóri Man City, hefur staðfest það að Phillips sé ekki inni í myndinni hjá félaginu og er til sölu.
Um er að ræða enskan landsliðsmann sem spilaði áður fyrir Leeds en hann hefur lítið fengið að spila í Manchester.
Enskir miðlar greina nú frá því að Manchester United gæti óvænt reynt við miðjumanninn og þá mögulega í janúar.
Phillips ku vera opinn fyrir því að færa sig um set enda mínúturnar í dag af mjög skornum skammti.