Age Hareide, landsliðsþjálfari Íslands hefur farið fram á það við KSÍ að íslenska liðið leiki í Malmö í mars. Allt stefnir í að íslenska liðið mæti þá Ísrael í umspili um laust sæti á Evrópumótið.

Rætt hefur verið um ýmsa velli en Hareide vill fara til Malmö þar sem hann hefur verið þjálfari.

„Ég hef óskað eftir því við KSÍ að við spilum í Malmö, það er auðvelt ferðalag fyrir stuðningsmenn okkar að fljúga til Köben,“ segir Hareide.

„Það er ekki gott að geta ekki verið á heimavelli en við getum ekkert gert varðandi veðrið og Laugardalsvöllur er ekki leikfær þarna.“

„Vonandi fáum við heimaleik í Malmö, ég vil velja þann völl. Það er frábært að spila þar.“

KSÍ lét vita af því í vikunni að landsliðið gæti ekki spilað á heimavelli í mars en ljóst er að málið að verulega niðurlægjandi fyrir stjórnvöld hér á landi.