Spænska sjónarvpskonan Amor Romeira sagði lygilega sögu af sér og ónefndum knattspyrnumanni á Instagram síðu sinni.

Hin 34 ára gamla Romeira varð fræg í raunaveruleikaþáttunum Big Brother árið 2007 en starfar í dag í spænsku sjónvarpi. Þá er hún með hátt í hálfa milljón fylgjenda á Instagram.

Hún rifjaði upp sögu af sér og leikmanni Deportivo La Coruna sem átti sér stað fyrir fjórum árum síðan. Hittust þau á djamminu í Madríd og fóru heim saman. Það endaði hins vegar með því að Romeira sparkaði knattspyrnustjörnunni af heimili sínu.

Amor Romeira

„Ég var að djamma í Madríd og hitti hóp knattspyrnumanna sem mættu í partí. Mér líkaði mjög við einn þeirra og fékk hann til að koma heima með mér. Við fórum heim til mín og mér líkaði mjög vel við hann því þetta var mjög ástríðufullt allt saman,“ rifjar Romeira upp.

Gamanið endist hins vegar ekki ýkja lengi.

„Þetta súrnaði þegar hann fór að rífa í hárið á mér og flengja mig. Skyndilega beit hann mig svo í andlitið. Ég henti honum út af heimili mínu fyrir þetta. Þetta var svo vont og beint í andlitið í þokkabót. Ég trúði þessu ekki.“

Leikmaðurinn sem um ræðir reyndi að hafa samband við Romeiru á ný en, kannski skiljanlega, án árangurs.