Tyrell Malacia hefur ekkert spilað með Manchester United á þessu tímabili og hann á langt í land með að ná fullri heilsu.

Hollenski bakvörðurinn kom til United fyrir rúmu ári síðan og lék 39 leiki á síðustu leiktíð.

Malacia hefur ekkert komið við sögu í sumar vegna meiðsla á hné.

Hann var sendur í aðgerð á dögunum og er talið að Malacia verði frá í hið minnsta fram á nýtt ár vegna þess.

Luke Shaw sem einnig er vinstri bakvörður er einnig lengi frá og sökum þess fékk United Sergio Reguilon á láni frá Tottenham.

Malacia var keyptur frá Feyenoord fyrir 13 milljónir punda og átti ágætis spretti á fyrsta tímabili sínu.