Í bók sem ónefndur sjúkraþjálfari gefur út um helgina kemur fram að hún hafi stundað kynlíf með fjölda þekktra manna sem hafa verið í sjúkraþjálfun hjá henni í gegnum tíðina. Þar á meðal eru frægir knattspyrnumenn á Englandi.

Enskir miðlar fjalla um bókina í dag, en höfundurinn kemur ekki fram undir nafni og nafngreinir hún heldur ekki þá leikmenn sem hún hefur sofið hjá.

Í einum kafla bókarinnar lýsir hún því þegar vel þekktur knattspyrnumaður á Englandi var á stofunni hjá henni. Hún segir að tíminn hafi farið eðlilega af stað en svo hafi leikmaðurinn farið að reyna við hana.

„Ertu í nærfötum undir vinnuklæðnaðinum?“ á hann til að mynda að hafa spurt. „Þú ert svo falleg, mig langar að sjá þig nakta,“ sagði hann einnig.

Svo á leikmaðurinn að hafa spurt hvort hann mætti snerta á henni fótinn og hún leyfði það.

„Hann færði höndina ofar og ofar, þar til hann snerti nærfötin mín,“ skrifar hún í bókina.

Þau stunduðu svo kynlíf en þessu var ekki lokið þarna. „Annar fótboltamaður, ekki minna frægur, gekk svo inn og við fórum í trekant.“

Sjúkraþjálfarinn segist einnig hafa sofið hjá stjörnum úr tennis og ruðningi svo dæmi séu nefnd. Nokkrir þeirra hafa haft samband við hana undanfarið og grátbeðið hana um að greina ekki frá nöfnum þeirra.

„Ég sagði þeim að ég myndi aldrei gera það, nöfn þeirra fara með mér í gröfina,“ segir hún í nýju viðtali.