Einhverjir eru farnir að kannast við nafnið Alisha Lehmann en hún er af mörgum talin fallegasta knattspyrnukona heims.
Ekki nóg með það heldur er hún gríðarlega hæfileikarík og hefur leikið með Aston Villa undanfarin tvö ár.
Lehmann kemur frá Sviss og hefur spilað 38 landsleiki fyrir þjóð sína en hún er aðeins 24 ára gömul.
Lehmann sást óvænt á djamminu með annarri stjörnu Villa, Philippe Coutinho, í vikunni en hann fagnaði þá 31 árs afmæli sínu.
Lehmann og vinkonur hennar voru mættar til að fagna afmæli Coutinho sem hefur ekki beint átt sjö dagana sæla hjá Villa eftir komu frá Barcelona.
Þessi frábæra knattspyrnukona er með yfir 13 milljónir fylgjenda á Instagram og þykir af mörgum vera sú fallegasta í bransanum.
,,Það er eitthvað á milli þeirra. Þetta er ekki í fyrsta skiptið sem við sjáum þetta,“ segir einn við mynd Lehmann og vill þar með meina að einhvers konar samband sé á milli þeirra.
,,Getiði sagt okkur hvað er í gangi? Vil ekki spyrja um of mikið en við þurfum upplýsingar,“ bætir annar aðdáandi við.
