N’Golo Kante er án efa einn af viðkunnanlegustu mönnum fótboltans. The Upshot reifaði feril leikmannsins og rifjaði upp skemmtilegar sögur.
Kante átti erfitt með að komast að hjá liðum í heimalandinu, Frakklandi, á yngri árum. Að lokum fékk C-deilarliðið Boulogne hann til sín. Þar vakti hann athygli fyrir að mæta alltaf á barna-hlaupahjóli á æfingar.
Miðjumaðurinn vildi tryggja sig ef fótboltaferillinn gengi ekki upp og lærði hann að verða endurskoðandi með boltanum.
Eftir smá uppgang í Frakklandi var Kante fenginn til Leicester 2015. Þar átti hann auðvitað eftir að verða Englandsmeistari ári síðar í einu mesta öskubuskuævintýri sögunnar.
Liðsfélagar Kante þar sannfærðu hann um að fá sér bíl til að fara á æfingar þar sem hann hafði einfaldlega hlaupið á þær árin áður. Þá fékk Kante sér Mini Cooper bifreið sína sem síðar er orðin ansi fræg. Hann keyrir enn um á henni.
After agreeing not to run to work, Kante decides to invest in a new motor.
While his teammates opt for Bentleys and Range Rovers, Kante goes for a cream Mini Cooper.
He even carries on driving it to matches after pranging the wing mirror on a lorry. pic.twitter.com/xLasGWI1kF
— The Upshot (@UpshotTowers) June 15, 2023
Kante lét gott af sér leiða hjá Leicester og leyfði meðal annars leikmanni úr akademíunni, Cedric Kipre, að gista heima hjá sér eftir að honum var hent út úr íbúð sinni.
Kante gekk svo í raðir Chelsea og þrátt fyrir að þéna tugi milljarða á viku hélt hann áfram að lifa hefðbundnum lífstíl. Hann verslaði í lágvöruverslunum og fór frekar á ódýra pizzastaði en dýr steikhús.
Eitt sinn var Kante staddur í mosku í London. Þar rakst hann á stuðningsmann Arsenal sem bauð honum heim til sín í mat. Kante þáði það og þeir félagar horfðu á Match of the Day saman.
Hann hitti annan stuðningsmann Arsenal eftir að Chelsea vann liðið 3-2 eitt skiptið. Stuðningsmaðurinn var leiður yfir úrslitunum en greindi síðar frá því að Kante hafi beðist afsökunar á þessu öllu saman.
Kante er þó ekki alltaf til fyrirmyndar. Hann hefur viðurkennt að hafa svindlað í spilum í landsliðferðum með Frakklandi og þá tók hann tapi gegn Callum Hudson-Odoi í FIFA illa.
He still has a ruthless streak though… On international duty with France, Kylian Mbappe catches him cheating at Uno.
Kante later admits he uses "some little strategies" to win…
And he rage quits when 4-0 down in a FIFA game against Callum Hudson-Odoi… pic.twitter.com/94rYv5Zpjh
— The Upshot (@UpshotTowers) June 15, 2023
Kante var ljúfmennskan uppmáluð þegar Frakkar urðu heimsmeistarar 2018. Leikmenn skiptust á að halda á bikarnum en Kante var ekkert að vekja mikla athygli á sér. Á endanum náði Steven N’Zonzi í bikarinn og rétti honum.
Eitt sinn var Kante spurður út í hvað honum finndist að vera kallaður „vingjarnlegasti maður fótboltans.“
„Ég reyni mitt besta. Ég er ekkert svo vingjarnlegur, ég er bara ég sjálfur,“ svaraði Kante.
N'Golo Kante is the most humble man in football.
He drives a banged up old Mini, does his shopping at Asda, and meets up with fans to play FIFA.
As the midfield maestro departs the Premier League, here's the story of football's nicest bloke… pic.twitter.com/ti9NqjGcvo
— The Upshot (@UpshotTowers) June 15, 2023
