Bacary Sagna, fyrrum stjarna bæði Arsenal og Manchester City, er kominn í allt annað starf eftir að skórnir fóru í hilluna.

Sagna er 40 ára gamall í dag en hann lagði skóna á hilluna 2019 eftir dvöl hjá Montreal Impact í MLS deildinni.

Sagna átti farsælan feril sem knattspyrnumaður og lék 65 landsleiki fyrir Frakkland og var í ensku úrvalsdeildinni í tíu ár.

Nú hefur Frakkinn stofnað sitt eigið fyrirtæki og er byrjaður að selja bakpoka sem henta vel fyrir fólk í fjallgöngu.

Sagna hefur sett yfir 200 þúsund pund af eigin peningum í rekstur fyrirtækisins en hver bakpoki kostar um 30 þúsund íslenskar krónur.

,,Þetta er mín helsta áskorun í lífinu ef við horfum framhjá fótboltanum,“ sagði Sagna í samtali við franska sjónvarpsstöð.

Sagna er alls ekki einn í fyrirtækinu en hefur svo sannarlega pungað út hárri upphæð og tekur þátt í rekstrinum á hverjum einasta degi.