Diego Simeone, stjóri Atletico Madrid, telur að Kylian Mbappe muni á endanum spila fyrir Real Madrid.
Ástæðan er sú að bestu leikmenn heims enda yfirleitt hjá Real en Mbappe er einn besti ef ekki besti sóknarmaður heims.
Litlar líkur eru á að Mbappe sé á förum þetta sumar en hann spilar með moldríka félaginu Paris Saint-Germain.
Það er þó aðeins ár eftir af samningi Mbappe og gæti hann vel kvatt þá frönsku á næsta ári.
,,Sé ég Mbappe fyrir mér hjá Real Madrid? Já, Real Madrid semur alltaf við bestu leikmennina,“ sagði Simeone.
,,Mbappe hjá Real Madrid og Lionel Messi hjá Barcelona væri frábært fyrir deildina.“
