Íþróttavikan kemur út alla föstudaga hér á 433.is og í Sjónvarpi Símans. Þar fá þeir Helgi Fannar Sigurðsson og Hrafnkell Freyr Ágústsson til sín góða gesti í hverri viku og ræða það helsta úr heimi íþrótta. Að þessu sinni sat Viðar Örn Kjartansson með þeim.

Eins og allir vita er Age Hareide tekinn við íslenska karlalandsliðinu. Viðar, sem á 32 A-landsleiki að baki, er sáttur með ráðninguna.

„Mér líst mjög vel á hann. Maður hefur bara heyrt góða hluti um hann. Það er ekki tilviljun að hann hafi náð svona miklum árangri og að margir fýli hann.

Ég hef ekkert á móti því að hafa Íslending í brúnni. Ég held að það sé bara gott. En það er líka gott að fá einhvern utanaðkomandi til að koma í veg fyrir einhverja árekstra. Þetta er lítið land og það kannski truflar ef það eru miðlar eða eitthvað að fjalla um eitthvað ákveðið. Við sáum þegar Lars kom, það var ekki minnst á neitt vesen utan vallar eða þess háttar.“

Umræðan í heild er í spilaranum.