Pep Guardiola stjóri Manchester City vonast eftir því að hægt verði að dæma í máli félagsins sem allra, allra fyrst.

Enska úrvalsdeildin ákærði City fyrir rúmlega 100 brot á reglum um fjármál félaga. Brotin áttu sér stað áður en Guardiola tók við City.

UEFA hefur reynt að refsa City en það án árangurs, Guardiola vill niðurstöðu í hvelli svo hægt sé að loka málinu.

„Ég myndi vilja að enska deildin gæti klárað málið sem fyrst, ef við gerðum eitthvað rangt þá vita það allir,“ segir Guardiola.

„Og ef það er þannig eins og við trúum að í mörg ár hafi ekkert rangt átt sér stað. Þá hættir fólk að tala.“

Talað er um að niðurstaða í málinu fáist líklega ekki fyrr en eftir tvö til þrjú ár en það vill Guardiola ekki.

„Við myndum vilja að þetta kláraðist á morgun eða bara seinni í dag. Við myndum elska það. Vonandi eru dómarar og aðrir ekki mjög uppteknir og geta hlustað á báðar hliðar fljótlega.“

„Ég veit af árangri okkar á vellinum og við efumst ekkert um hitt,“ segir Guardiola sem gerði City að enskum meistara þriðja árið í röð um helgina.