Joe Cole, fyrrum leikmaður Chelsea, hefur sagt frá skemmtilegri sögu er hann var leikmaður Chelsea á sínum tíma undir stjórn Jose Mourinho.

Cole hafði áhyggjur af samningamálum sínum hjá Chelsea á sínum tíma og var tilbúinn í að leyfa Mourinho að kaupa nýja bílinn sinn fyrir nýjan samning á móti.

Það varð ekkert úr því að lokum en bíllinn var ansi sjalgjæfur á þessum tíma og var Cole tilbúinn að gera mikið til að halda sæti sínu í liði stórliðsins.

,,Það var aðeins einu sinni á mínum ferli sem ég keypti rándýran sportbíl,“ sagði Cole við Telegraph.

,,Þetta var Ferrari Scaglietti og þetta átti sér stað í kringum 2006. Ég sannfærði sjálfan mig um að ég ætti skilið einn en mér leið ekki of vel með það.“

,,Seljandinn sagði við mig að ég væri heppinn að fá þennan bíl. Ég trúði honum svo sannarlega ekki en svo kom í ljós að þetta módel væri ansi sjaldgæft.“

,,Þegar Mourinho sá bílinn á æfingasvæðinu þá bauðst hann til að kaupa hann af mér. Ég samþykkti en skilyrðið var það að hann þyrfti að gefa mér nýjan samning.“

,,Því miður þá náðum við aldrei að festa það samkomulag.“