Joao Cancelo, einn besti bakvörður heims, útilokar ekki að snúa aftur til Manchester City í sumar.
Cancelo var óvænt lánaður til Bayern Munchen í janúar en hann hafði lengi verið mjög öflugt vopn fyrir ensku meistarana.
Af einhverjum ástæðum ákvað Man City að lána leikmanninn til Þýskalands en Pep Guardiola, stjóri Man City, er talinn hafa viljað losna við Portúgalann.
,,Ég vona að ég geti fagnað öðrum titli þarna. Ég hef eignast aðra fjölskyldu í Manchester, Bernardo Silva er einn besti vinur minn og sá sem ég sakna mest,“ sagði Cancelo.
,,Hann var minn ráð-gjafi og þegar eitthvað fór úrskeiðis þá gat ég talað við hann og það sama má segja um Ruben Dias en samband mitt við Bernardo er svo gott, jafnvel innan vallar.“
,,Þetta er stórkostlegur hópur af leikmönnum sem æfir af miklum metnaði. Allt í lífinu tekur enda en í lok tímabils gæti ég snúið aftur, maður veit aldrei.“
