Antonio Conte, stjóri Tottenham, segir að það sé ekki mikilvægt fyrir hann að skrifa undir framlengingu á núverandi samningi.

Conte á aðeins eitt ár eftir af samningi sínum við Tottenham en neitar því að hann sé nálægt því að krota undir framlengingu.

Hann er að einbeita sér að öðrum hlutum í London en nú eru nokkrir dagar í að enska úrvalsdeildin fari af stað á nýjan leik.

,,Ég verð að vera hreinskilinn, á mínum ferli hafa samningarnir aldrei skipt máli,“ sagði Conte við Football London.

,,Ég hef aldrei þurft að skrifa undir til eins, tveggja eða þriggja ára. Ég er mjög ánægður, við erum að vinna vel saman.“

,,Að ég eigi eitt ár eftir af samningnum breytir engu. Við viljum halda áfram að byggja upp eitthvað sérstakt hjá félaginu.“