Chrisophe Galtier hefur skrifað undir samning við Paris Saint-Germain og er nýr stjóri félagsins.

Fabrizio Romano staðfestir þetta á Twitter síðu sinni í kvöld og segir að allt á milli aðila sé klappað og klárt.

Galtier tekur við af Mauricio Pochettino sem náði ekki að heilla með frammistöðu franska stórliðsins í Meistaradeildinni.

Galtier verður kynntur sem stjóri PSG á morgun en hann yfirgefur Nice til að koma sér til Parísar.

Galtier hefur náð frábærum árangri sem stjóri á sínum ferli og þá aðallega með St. Etienne frá 2009 til 2017 og svo Lille frá 2017 til 2021.