Manchester City hefur staðfest kaup sín á Kalvin Phillips frá Leeds fyrir um 50 milljónir punda.
Phillips er 26 ára gamall en hann mun klæðast treyju númer 4 hjá City.
Hann er annar stóri bitinn sem City kaupir í sumar en áður hafði félagið fest kaup á Erling Haaland.
„Ég er mjög glaður með að ganga í raðir Manchester City,“ sagði Phillips.
„Að spila undir stjórn Pep og læra af honum og hans þjálfarateymi. City er heimsklassa félag,“ segir Phillips sem er stór partur af enska landsliðinu.
