Víkingur Reykjavík mun á föstudag mæta Inter Club d’Escaldes í úrslitaleik um sæti í fyrstu umferð undankeppni Meistaradeildar Evrópu. Komist liðið þangað verður Malmö andstæðingurinn.
Víkingar burstuðu Levadia Tallin, 6-1, í undanúrslitum í gærkvöldi. Það er mikil spenna í Víkinni fyrir Evrópukeppninni í ár og stefnir félagið á að blása til stuðningsmannaferðar til Malmö ef Víkingur kemst í gegnum meistarana frá Andorra á föstudag. Félagið setti eftirfarandi færslu á Facebook:
Hrafnkell Helgason í stjórn knattspyrnudeildar Fylkis finnst Víkingar klárlega vera að fara aðeins fram úr sér með þessu. Hann ákvað að skjóta aðeins á Víkinga á Twitter.
„Jinx? Eru Víkingar einnig byrjaðir að bóka ferð til Istanbúl í maí 2023? Vinna fyrst takk, ekki gefa Andorramönnum frekara motivation til að vinna leikinn á föstudaginn,“ skrifaði Hrafnkell. Úrslitaleikur Meistaradeildarinnar á komandi leiktíð fer fram í Istanbúl.
