Leeds United hefur staðfest komu Bandaríkjamannsins Brendan Aaronson til félagsins. Aaronson gengur endanlega til liðs við Leeds frá Red Bull Salzburg 1. júlí og skrifar undir fimm ára samning.
Aaronson er 21 árs gamall. Hann kom við sögu í 41 leik fyrir Salzburg á síðustu leiktíð og lagði upp 10 mörk og skoraði sex er liðið varð deildar- og bikarmeistari annað árið í röð.
Hann á að baki 18 landsleiki fyrir Bandaríkin og hefur skorað í þeim fimm mörk.
Jesse Marsch, knattspyrnustjóri Leeds, fékk Aaronson til Salzburg þegar hann var við stjórnvölinn hjá félaginu og stýrði liðinu til sigurs í deild og bikar.
