Coleen Rooney og Wayne Rooney fengu leyfi fyrir því að mæta ekki til leiks á síðasta degi réttarhalda í máli Coleen og Rebekah Vardy. Dómarinn gaf leyfi fyrir því að hjónin myndu ekki mæta í dag.
Meiðyrðamál Vardy gegn Rooney er nú fyrir dómstólum og undanfarna daga hefur það verið tekið fyrir og það mun einnig verða gert næstu daga. Verjandi Rooney sótti hart að Rebekuh Vardy í málinu, sakaði hana meðal annars um lygar og lagði fyrir hana nokkur mál sem hann vill meina að Vardy tengist beint en hún þverneitar.
Málið tengist inn í enska boltann en Jamie Vardy, framherji Leicester City er eiginmaður Rebekuh og Wayne Rooney, knattspyrnustjóri Derby County og fyrrum leikmaður Manchester United er eiginmaður Coleenar.
Coleen Rooney hefur áður sakað Vardy um að leka upplýsingum um einkalíf Rooney-fjölskyldunnar í fjölmiðilinn The Sun og upplegg verjanda Rooney í dag var að koma með fleiri sambærileg mál til sögunnar, mál sem hann segir tengjast því að Rebekah Vardy eða umboðsmaður hennar fyrir tilstilli Vardy, hafi lekið upplýsingum um til fjölmiðla gegn greiðslu.
Vardy mæti fyrir dómara í dag en eins og fyrr segir voru Rooney hjónin ekki á svæðinu. Réttarhöldum átti að vera lokið og höfðu þau bókað sumarfrí fyrir synina, vlidu þau ekki svíkja það og fengu leyfi til að fara með Kai, Cass, Klay og Kit í sumarfrí.
